Lajmet e fundit

Komisioni për Bujqësi, Pylltari, Zhvillim Rural, Mjedis dhe Planifikim Hapësinor i kryesuar nga Rifat Krasniq, kryetar, u mblodh sot për të diskutuar Projektligjin për Parqet Nacionale. Në këtë mbledhje morën pjesë edhe përfaqësues nga Ministria e Mjedisit dhe Planifikimit Hapësinor, si dhe Ministria e Bujqësisë dhe Zhvillimit Rural. Përfaqësuesit e këtyre dy ministrive dhanë propozimet e tyre lidhur me Projektligjin për Parqet Nacionale, me ç’rast ministria e Bujqësisë kërkonte që të zvogëlohet hapësira e paraparë prej 62 mijë hektarëve për parqet nacionale, ndërsa Ministria e Ambientit dhe Planifikimit Hapësinor e arsyetonte këtë hapësirë.

Komisioni pas një debati, konstatoi se projektligji duhet t’i kthehet edhe njëhërë Qeverisë së Kosovës, që kjo e fundit të dalë me një qëndrim unik lidhur me këtë nen. Pastaj Komisioni do ta ketë me të lehtë ta procedojë këtë Projekligj në Kuvend.