Lajmet e fundit

Njoftim i sekretarit të Kuvendit të Kosovës:

Kuvendi i Kosovës ka pranuar Raportin Final të Auditimit mbi pasyrat financiare të Kuvendit të Kosovës për vitin e përfunduar më 31 .12.2006.

Kuvendi i Kosovës ka pranuar më 8 gusht 2007 Raportin Final të Auditimit mbi pasyrat financiare të Kuvendit të Kosovës për vitin e përfunduar më 31 .12.2006.

Kuvendi I Kosovës e mirëpret këtë raport gjithëpërfshirës për vitin 2006 si dhe rekomandimet e tij.

Konstatojmë me kënaqësi se ne pikat e raportit nuk është konstatuar asnjë keqpërdorim i mjeteve dhe asnjë abuzim i natyrës financiare.

Shtatë pika te këtij raporti konstatojnë paqartësi në mënyrën e menagjimit të mjeteve financiare të partive politike në Kuvend. Kjo cështje nuk është kompetence e Kuvendit por e OSBE-së . Theksjomë që Kuvendi vetëm bënë transferin e mjeteve të partive politike por nuk ka asnjë përgjegjësi për mënyrën se si menagjohen ato.

Mirëpresim rekomandimet e raportit te Auditit dhe njoftojmë se disa prej tyre tashmë janë të plotësuara.

Kuvendi Kosovës i ka bërë komentet e veta rreth raportit të Auditit Gjeneral të cilat janë bashkangjitur këtij raporti.

Raporti do ti dorëzohet Krytesisë së Kuvendit për shqyrtim dhe komentime zyrtare në kohën më të afërme për të cilat do të njoftohet edhe Kuvendi edhe opinioni.

Kemi vërejtur që në shtypin ditor janë shfaqur komentime ,edhe malicioze, që nuk janë të mbështetura në tërësi të raportit , por në ndonjë segment të tij, për të bërë komentime senzacionale.

9 gusht 2007