Lajmet e fundit
Drejtuesit e Komisionit për Punë të Jashtme pritën deputetin gjerman Winkelmeier
, 10.09.2008
Kryetari dhe nënkryetari i Komisionit për Punë të Jashtme, Sabri Hamiti dhe Xhavit Haliti, pritën deputetin e Bundestagut gjerman, Gert Winkelmeier, me të cilin biseduan për punën e Kuvendit të Kosovës, me theks të veçantë punën e komisionit, të cilin e drejtojnë, si dhe për mundësitë e bashkëpunimit me komisionin homolog në Berlin.
Duke iu përgjigjur interesimit të deputetit gjerman se cilat janë nevojat kryesore të Komisionit për Punë të Jashtme në Kuvendin e Kosovës, Hamiti ka theksuar kontaktet më intensive ndërparlamentare, konsultat profesionale dhe shfrytëzimin e përvojave të mira. Në këtë vështrim ai e ka përshëndetur kontributin e ekspertëve të Bundestagut gjerman në Projektin për mbështetjen e Kuvendit të Kosovës, i cili kohë më parë ka përfunduar mandatin.
Duke e marrë fjalën në këtë takim, deputeti Haliti ka theksuar kontaktet dhe lidhjet e gjata ndërmjet Kosovës dhe Gjermanisë, si dhe e ka falënderuar shtetin dhe popullin gjerman për strehimin dhe punësimin e një numri të madh të emigrantëve nga Kosova dhe të familjarëve të tyre. Ai ka vlerësuar edhe kontributin e KFOR-it gjerman, sidomos në Prizren.
Drejtuesit e Komisionit kanë kërkuar edhe sigurimin e një numri shkollarësh kosovarë në shkollat gjermane, si dhe hapjen e shkollave profesionale gjermane në Kosovë. Ata janë angazhuar edhe për lehtësimin e vizave për qytetarët e Kosovës që dëshirojnë të vizitojnë Gjermaninë. Duke theksuar nevojat e shumta për zhvillim më të përshpejtuar të Kosovës, deputetët Hamiti dhe Haliti janë shprehur të bindur se nuk do të mungojë mbështetja gjermane për Kosovën.
Deputeti i Bundestagut gjerman, Gert Winkelmeier, është interesuar për garancitë që ofron Qeveria e Kosovës për investimet e huaja, si dhe për transparencën e tenderëve në Kosovës. Ai, ndërkaq, ka premtuar se përvojat nga kontaktet e tij në Kosovë do t’ia paraqesë në një raport kryetarit të Bundestagut gjerman.
Duke iu përgjigjur interesimit të deputetit gjerman se cilat janë nevojat kryesore të Komisionit për Punë të Jashtme në Kuvendin e Kosovës, Hamiti ka theksuar kontaktet më intensive ndërparlamentare, konsultat profesionale dhe shfrytëzimin e përvojave të mira. Në këtë vështrim ai e ka përshëndetur kontributin e ekspertëve të Bundestagut gjerman në Projektin për mbështetjen e Kuvendit të Kosovës, i cili kohë më parë ka përfunduar mandatin.
Duke e marrë fjalën në këtë takim, deputeti Haliti ka theksuar kontaktet dhe lidhjet e gjata ndërmjet Kosovës dhe Gjermanisë, si dhe e ka falënderuar shtetin dhe popullin gjerman për strehimin dhe punësimin e një numri të madh të emigrantëve nga Kosova dhe të familjarëve të tyre. Ai ka vlerësuar edhe kontributin e KFOR-it gjerman, sidomos në Prizren.
Drejtuesit e Komisionit kanë kërkuar edhe sigurimin e një numri shkollarësh kosovarë në shkollat gjermane, si dhe hapjen e shkollave profesionale gjermane në Kosovë. Ata janë angazhuar edhe për lehtësimin e vizave për qytetarët e Kosovës që dëshirojnë të vizitojnë Gjermaninë. Duke theksuar nevojat e shumta për zhvillim më të përshpejtuar të Kosovës, deputetët Hamiti dhe Haliti janë shprehur të bindur se nuk do të mungojë mbështetja gjermane për Kosovën.
Deputeti i Bundestagut gjerman, Gert Winkelmeier, është interesuar për garancitë që ofron Qeveria e Kosovës për investimet e huaja, si dhe për transparencën e tenderëve në Kosovës. Ai, ndërkaq, ka premtuar se përvojat nga kontaktet e tij në Kosovë do t’ia paraqesë në një raport kryetarit të Bundestagut gjerman.