Lajmet e fundit
Kuvendi mbajti mbledhje komemorative për deputeten e ndjerë, Nekibe Kelmendi
, 20.06.2011
Kuvendi i Republikës së Kosovës ka mbajtur sot mbledhje komemorative për deputeten e ndjerë, Nekibe Kelmendi. Deputetët kanë nderuar, me një minutë heshtje, deputeten e të katër legjislaturave. “Kësaj radhe Kuvendit do t’i mungojë fjala e urtë e Nekibe Kelmendit. Ajo shkoi në amshim pa mbaruar jo vetëm mandatin që ia dhanë zgjedhësit, si përfaqësuese e tyre, pa i mbaruar angazhimet, por edhe pa e mbaruar jetën”, ka theksuar në fjalën e tij para deputetëve kryetari i Kuvendit të Kosovës, dr. Jakup Krasniqi, i cili kryeson edhe Këshillin e varrimit për deputeten e ndjerë.
Në vazhdim Krasniqi ka folur për kohët tepër të vështira të represionit në shkallë të gjerë që po ushtrohej në Kosovë, kur “ Nekibe Kelmendi, bashkë me të shoqin, Bajram Kelmendi, mbronin të drejtat individuale dhe kolektive të qytetarëve tanë dhe bënin të njohur gjithandej në botën demokratike gjendjen e rëndë pas suprimimit të autonomisë së vendit tonë, më 1989”. Ai ka përkujtuar me këtë rast edhe kontributin e Nekibe Kelmendit për vendosjen e themeleve të sistemit të drejtësisë në Kosovë.
Në emër të LDK-së, në mbledhjen komemorative për deputeten e ndjerë ka folur nënkryetari i Kuvendit të Kosovës, Sabri Hamiti. “Zonja Nekibe Kelmendi, themeluese dhe drejtuese e lartë e LDK-së, si dhe deputete në të gjitha legjislaturat e Kuvendit të Republikës së Kosovës, i ka përmasat e personalitetit politik rugovian. Kjo nënkupton filozofinë nacionale, politike dhe humane”, ka theksuar Hamiti, duke përkujtuar rrugën e saj të mundimshme për: “LIRINË, PAVARËSINË DHE DEMOKRACINË E KOSOVËS”.
Duke përkujtuar rolin shumëdimensional të së ndjerës në shoqërinë e Kosovës, Hamiti ka përfunduar se Nekibe Kelmendi “u bë avokate (mbrojtëse) e të drejtave njerëzore e nacionale të shqiptarëve”, duke shtuar se ajo “u bë përfaqësuese ekselente e popullit të vet, legjislatore e pashoqe, duke punuar dhe në hartimin e Kushtetutës së Kosovës së pavarur”.
Pas përfundimit të mbledhjes komemorative deputetë dhe përfaqësues të institucioneve në hollin e Kuvendit bënë homazhe para arkivolit të së ndjerës dhe ngushëlluan familjen Kelmendi.
Në vazhdim Krasniqi ka folur për kohët tepër të vështira të represionit në shkallë të gjerë që po ushtrohej në Kosovë, kur “ Nekibe Kelmendi, bashkë me të shoqin, Bajram Kelmendi, mbronin të drejtat individuale dhe kolektive të qytetarëve tanë dhe bënin të njohur gjithandej në botën demokratike gjendjen e rëndë pas suprimimit të autonomisë së vendit tonë, më 1989”. Ai ka përkujtuar me këtë rast edhe kontributin e Nekibe Kelmendit për vendosjen e themeleve të sistemit të drejtësisë në Kosovë.
Në emër të LDK-së, në mbledhjen komemorative për deputeten e ndjerë ka folur nënkryetari i Kuvendit të Kosovës, Sabri Hamiti. “Zonja Nekibe Kelmendi, themeluese dhe drejtuese e lartë e LDK-së, si dhe deputete në të gjitha legjislaturat e Kuvendit të Republikës së Kosovës, i ka përmasat e personalitetit politik rugovian. Kjo nënkupton filozofinë nacionale, politike dhe humane”, ka theksuar Hamiti, duke përkujtuar rrugën e saj të mundimshme për: “LIRINË, PAVARËSINË DHE DEMOKRACINË E KOSOVËS”.
Duke përkujtuar rolin shumëdimensional të së ndjerës në shoqërinë e Kosovës, Hamiti ka përfunduar se Nekibe Kelmendi “u bë avokate (mbrojtëse) e të drejtave njerëzore e nacionale të shqiptarëve”, duke shtuar se ajo “u bë përfaqësuese ekselente e popullit të vet, legjislatore e pashoqe, duke punuar dhe në hartimin e Kushtetutës së Kosovës së pavarur”.
Pas përfundimit të mbledhjes komemorative deputetë dhe përfaqësues të institucioneve në hollin e Kuvendit bënë homazhe para arkivolit të së ndjerës dhe ngushëlluan familjen Kelmendi.
