Lajmet e fundit

Kryetari i Kuvendit të Kosovës, Nexhat Daci, ka pritur sot një grup deputetësh të Kuvendit të Shqipërisë, nga radhët e grupit parlamentar të Aleancës Demokratike të Shqipërisë, të kryesuar nga z. Neritan Ceka.

Është biseduar për zhvillimet në Kosovë dhe në Shqipëri, për përgatitjet për fillimin e përcaktimit të statusit të Kosovës dhe për rolin e Kuvendit në këtë proces.

Institucionet e Kosovës e mbështesin Shqipërinë, pavarësisht nga nomenklaturat udhëheqëse në Titranë

Kryeparlamentari Daci, duke folur për synimet e popullit të Kosovës për liri, pavarësi dhe zhvillim gjithëpërfshirës të Kosovës, ka vlerësuar se mbështetja e Shqipërisë në këtë rrugë është tepër e rëndësishme. Ai ka thënë se institucionet e Kosovës e respektojnë dhe e mbështesin Shqipërinë, pavarësisht nga nomenklaturat udhëheqëse në Titranë dhe qëndrim të ngjashëm ka kërkuar edhe nga institucionet dhe subjektet politike të Shqipërisë.

Të gjithë shqiptarët e duan pavarësinë e Kosovës

Kryetari i Aleancës Demokratike të Shqipërisë, Neritan Ceka ka vlerësuar të arriturat e mëdha të Kosovës në periudhën e tranzicionit. Ai ndërkaq ka lavdëruar qëndrimin e të dy parlamenteve lidhur me të ardhmen e Kosovës, duke shprehur bindjen e fuqishme se të gjithë shqiptarët angazhohen për pavarësinë e Kosovës.

Të zhvillojmë struktura ekonomike komplementare

Të dy bashkëbiseduesit janë pajtuar se ka shumë lëmenj për bashkëpunim të suksesshëm, duke theksuar sidomos zhvillimin strukturave ekonomike komplementare, si në energjetikë, bie fjala.