Lajmet e fundit

Komisioni për Buxhet dhe Financa i Kuvendit të Kosovës, në mbledhjen e sotme të kryesuar nga kryetarja Safete Hadërgjonaj, ka përkrahur dy projektligje me amendamente të komisioneve funksionale dhe ka miratuar amendamentet e grupit punues të komisionit për një projektligj tjetër.  

Komisioni shqyrtoi amendamentet e propozuara nga komisionet funksionale për Projektligjin për Këshillin Ekonomiko-Social dhe atë për bashkëpunim ndërkomunal dhe partneritete, duke konstatuar se ato nuk përmbajnë implikime buxhetore.

Në këtë mbledhje u shqyrtuan dhe u miratuan një për një 23 amendamentet e grupit punues të komisionit për Projektligjin për sigurimin e detyrueshëm nga autopërgjegjësia.