Lajmet e fundit

Kryetari i Kuvendit të Republikës së Kosovës, dr. Jakup Krasniqi, ka uruar sot kryetarin e sapozgjedhur të Asamblesë së Madhe Kombëtare të Republikës së Turqisë, Mehmet Ali Sahin.

Në telegram thuhet:

I nderuar zoti Sahin

Me rastin e zgjedhjes Tuaj Kryetar i Asamblesë së Madhe Kombëtare të Republikës së Turqisë, ju uroj sukses në përmbushjen e përgjegjësive të mëdha në krye të këtij institucioni të lartë shtetëror.

Duke vlerësuar lart marrëdhëniet e shkëlqyera midis dy vendeve dhe parlamenteve tona, shpreh bindjen që ato do të thellohen dhe zgjerohen në vazhdimësi.

Kam pasur kënaqësinë ta vizitoj Republikën e Turqisë dhe Asamblenë e saj të Madhe në fillim të këtij viti, si dhe të pres në Prishtinë delegacionin parlamentar turk, të kryesuar nga kryetari Toptan, me të cilat ne i kemi afruar më shumë dy vendet tona dhe i kemi përparuar marrëdhëniet ndërparlamentare.

Mezi pres të takohem edhe me Ju zoti kryetar, për të biseduar shumë çështje të interesit të përbashkët të dy vendeve tona.

Me respekt
Jakup Krasniqi