Lajmet e fundit

Kryetari i Kuvendit të Kosovës, dr. Jakup Krasniqi, i dërgoi një telegram urimi Myftiut të Kosovës, Naim Tërnava, me këtë përmbajtje :”

I nderuar Myfti Tërnava

Me rastin e  festës së Fitër Bajramit, ju uroj gëzuar Juve Shkëlqesi dhe gjithë besimtarëve myslimanë të Republikës së Kosovës. Uroj që kjo festë të kalojë në frymë gëzimi, hareje e solidariteti.

Le të jetë kjo festë edhe një rast për të shpalosur ndjenjat e dashurisë, respektit, harmonisë dhe vullnetit të qytetarëve tanë për të sjellë edhe më shumë lumturi, paqe dhe mbarësi në familjet tona”, theksohet në telegramin e kryekuvendarit Krasniqi.