Lajmet e fundit
Kryekuvendari Krasniqi priti shefin e EULEX-it, z. Xavier De Marnhac
, 01.03.2011
Kryetari i Kuvendit të Republikës së Kosovës, dr. Jakup Krasniqi, kishte sot një takim me shefin e EULEX-it, z. Xavier De Marnhac. Pasi shprehu falënderimet e tij për pritjen, z. Xavier De Marnhac e përgëzoi kryekuvendarin Krasniqi për rizgjedhjen në këtë post, duke theksuar se para Legjislaturës së Tretë shtrohen detyra dhe obligime të rëndësishme në fushën e legjislacionit. Në vijim ai e njoftoi kreun e legjislativit të vendit se EULEX-i do të vazhdojë bashkëpunimin me ministritë e reja nga fushat përkatëse, duke u fokusuar sidomos në sfidat që dalin nga Raporti i Progresit për Kosovën.
Kryekuvendari Krasniqi e falënderoi z. Xavier De Marnhac për urimet, ndërsa në vijim foli për projektligjet që presin të shqyrtohen e miratohen në Kuvend. Duke folur për proceset aktuale më vend, kryetari i Kuvendit, Krasniqi, tha se sundimi i ligjit duhet të shtrihet në tërë territorin e vendit, ndërsa politika nuk duhet të ndërhyjë në sistemim e drejtësisë. Kur është fjala për buxhetin e Kosovës, kryekuvendari Krasniqi theksoi se ai pritet të miratohet nga fundi i marsit ose fillimi i prillit të këtij viti.
Kryekuvendari Krasniqi e falënderoi z. Xavier De Marnhac për urimet, ndërsa në vijim foli për projektligjet që presin të shqyrtohen e miratohen në Kuvend. Duke folur për proceset aktuale më vend, kryetari i Kuvendit, Krasniqi, tha se sundimi i ligjit duhet të shtrihet në tërë territorin e vendit, ndërsa politika nuk duhet të ndërhyjë në sistemim e drejtësisë. Kur është fjala për buxhetin e Kosovës, kryekuvendari Krasniqi theksoi se ai pritet të miratohet nga fundi i marsit ose fillimi i prillit të këtij viti.
