Lajmet e fundit

Komisioni për Zhvillim Ekonomik, Infrastrukturë, Tregti dhe Industri, i Kuvendit të Kosovës, në mbledhjen e sotme të kryesuar nga Zenun Pajaziti, miratoi amendamentet e grupit punues të Projektligjit për transportin tokësor të mallrave të rrezikshme.

Në emër të grupit punues, amendamentet (31 sosh) para Komisionit i paraqiti Teuta Sahatqija.

Gjatë shqyrtimit të amendamenteve, në mbledhje ishte i pranishëm edhe përfaqësuesi i Ministrisë së Infrastrukturës, përkatësisht drejtori i Departamentit Ligjor, Avdi Kamerolli.

Pas miratimit të amendamenteve, Projektligji për transportin tokësor të mallrave të rrezikshme, do të procedohet për shqyrtim të mëtutjeshëm sipas Rregullores së Punës së Kuvendit.