Lajmet e fundit

Komisioni për Bujqësi, Pylltari, Zhvillim Rural dhe Mjedis e Planifikim Hapësinor, në mbledhjen e sotme të kryesuar nga Nait Hasani, shqyrtoi vërejtjet e Ministrisë së Mjedisit dhe Planifikimit Hapësinor (MMPH) si dhe rekomandimet e këshilltarit rezident të Bankës Qendrore të Kosovës (BQK), Bill Donovan, lidhur me Projektligjin për shfrytëzimin, administrimin dhe mirëmbajtjen e ndërtesave në bashkëpronësi.

Gjatë shqyrtimit të rekomandimeve, përfaqësuesit e MMPH-së treguan se i kanë harmonizuar qëndrimet me këshilltarin Donovan, ndërsa sipas rekomandimit të tij kanë bërë riformulimin e disa neneve dhe renditjen e tyre në kapitujt adekuat të Projektligjit. Pas kësaj, kryesuesi e hodhi në votim Projektligjin me ç'rast u përkrah unanimisht nga Komisioni.